யாழ்ப்பாணத்தில் இடம்பெற்ற விபத்தில் குடும்பஸ்தர் உயிரிழப்பு

யாழ்ப்பாணத்தில் இடம்பெற்ற விபத்தில் குடும்பஸ்தர் உயிரிழந்துள்ளதாக பொலிஸார் தெரிவித்துள்ளனர்.

கைதடி – நுணாவில் பகுதியில் இன்று (வியாழக்கிழமை) அதிகாலை 4 மணியளவில், மோட்டார் சைக்கிளில் சென்ற குடும்பஸ்தர் டிப்பர் வாகனத்துடன் மோதியதில் இந்த விபத்து இடம்பெற்றது.

குருநகர், கனகசிங்கம் வீதியை சேர்ந்த எம்.லக்கி (வயது -42) என்பவரே இந்த விபத்தில் உயிரிழந்துள்ளார்.

தனியார் பாதுகாப்பு சேவையின் மேற்பார்வையாளரான இவர், நிறுவன காவல் கடமைகளை மேற்பார்வை செய்ய இன்று அதிகாலை யாழ்ப்பாணத்தில் இருந்து சாவகச்சேரிக்கு சென்றபோதே இந்த விபத்து நேர்ந்தது.

விபத்து தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.